ആറ്റുവാശ്ശേരി സ്‌കൂളില്‍ സീഡ് യൂണിറ്റ് പ്രവര്‍ത്തനം തുടങ്ങി
Posted By : klmadmin On 25th August 2014
പുത്തൂര്‍: ആറ്റുവാശ്ശേരി എസ്.വി.എന്‍.എസ്.എസ്. യു.പി.സ്‌കൂളില്‍ മാതൃഭൂമി സീഡ് യൂണിറ്റിന്റെ പ്രവര്‍ത്തനങ്ങള്‍ തുടങ്ങി. പി.ടി.എ.പ്രസിഡന്റ് ആര്‍.രാധാകൃഷ്ണപിള്ളയുടെ അധ്യക്ഷതയില്‍ ചേര്‍ന്ന യോഗത്തില്‍ സ്‌കൂള്‍ പ്രഥമാധ്യാപകന്‍ ബി.രാജീവ് യൂണിറ്റ് ഉദ്ഘാടനം നിര്‍വഹിച്ചു.
സീഡ് ജില്ലാ എക്‌സിക്യൂട്ടീവ് ഷെഫീക്ക് ക്ലാസെടുത്തു. സീഡ് കോഓര്‍ഡിനേറ്റര്‍ രമ്യ,വി.തുളസീധരന്‍,അധ്യാപകര്‍,പി.ടി.എ.ഭാരവാഹികള്‍ എന്നിവര്‍ പങ്കെടുത്തു. തുടര്‍ന്ന് വിദ്യാര്‍ഥികളും അധ്യാപകരും ചേര്‍ന്ന് ഊര്‍ജസംരക്ഷണ, പ്രകൃതിസംരക്ഷണ പ്രതിജ്ഞയെടുത്തു.
ലവ് പ്ലാസ്റ്റിക് പദ്ധതി, സീസണ്‍ വാച്ച് എന്നിവയുടെയും പ്രവര്‍ത്തനം ആരംഭിച്ചിട്ടുണ്ട്. സ്‌കൂള്‍ വളപ്പില്‍ വിഷരഹിത പച്ചക്കറിത്തോട്ടം, ഔഷധത്തോട്ടം എന്നിവയുടെ നിര്‍മ്മാണ പ്രവര്‍ത്തനങ്ങളും തുടങ്ങിയിട്ടുണ്ട്.