കൊടക്കാട് സ്‌കൂളില്‍ സീഡ് ക്ലബ്ബിന്റെ വിളവെടുപ്പുത്സവം
Posted By : ksdadmin On 23rd August 2014
കൊടക്കാട്: കേളപ്പജി വി.എച്ച്.എസ്.സ്‌കൂളില്‍ സീഡ്ക്ലബ്ബിന്റെ പച്ചക്കറിത്തോട്ടത്തില്‍ വിളവെടുപ്പുത്സവം നടത്തി. വിളവെടുപ്പ് സ്‌കൂള്‍ മുന്‍ പ്രിന്‍സിപ്പലും കൊടക്കാട് കദളീവനം പ്രസിഡന്റും കര്‍ഷകുനുമായ കെ.പി.ശ്രീധരന്‍ ഉദ്ഘാടനം ചെയ്തു. സ്‌കൂളിനുസമീപത്തുള്ള അര ഏക്കറോളം സ്ഥലത്താണ് കുട്ടികള്‍ സീഡ് കോഓര്‍ഡിനേറ്റര്‍ ഒ.എം.അജിത്തിന്റെ നേതൃത്വത്തില്‍ പയര്‍, വെണ്ടയ്ക്ക, ചീര, കപ്പ മുതലായ പച്ചക്കറിക്കൃഷി ആരംഭിച്ചത്. പിലിക്കോട് കൃഷി ഓഫീസിലെ കൃഷി അസിസ്റ്റന്റ് ടി.വി.ഹരീന്ദ്രന്‍ ജൈവകൃഷിയുടെ പരിപാലനത്തെക്കുറിച്ച് ക്ലാസെടുത്തു. സ്‌കൂള്‍ പ്രിന്‍സിപ്പല്‍ എം.വിശ്വനാഥന്‍, ഒ.വി.ചിത്രേശന്‍, എം.വിനിത, വിമലകുമാരി എന്നിവര്‍ പങ്കെടുത്തു