സീഡ്കാര്‍ഷിക ക്‌ളബ്ബുകളുടെ കര്‍ഷകവന്ദനം
Posted By : pkdadmin On 20th August 2014
ലക്കിടി: പേരൂര്‍ എ.എസ്.ബി. സ്‌കൂളിലെ മാതൃഭൂമി സീഡ്കാര്‍ഷിക ക്‌ളബ്ബുകളുടെ ആഭിമുഖ്യത്തില്‍ കര്‍ഷകവന്ദനം നടത്തി. പി.ടി.എ. പ്രസിഡന്റ് യു.പി. രവി ഉദ്ഘാടനം ചെയ്തു. സീനിയര്‍ അധ്യാപിക വി. മല്ലിക അധ്യക്ഷയായി. പാരമ്പര്യകര്‍ഷകന്‍ പി.കെ. ജയശീലനെ ചടങ്ങില്‍ പൊന്നാടയണിയിച്ച് ആദരിച്ചു.
സ്‌കൂള്‍ വികസനസമിതി അധ്യക്ഷന്‍ കെ. ശ്രീനി മുഖ്യപ്രഭാഷണം നടത്തി. തുടര്‍ന്ന് ജയശീലനുമായി 'നെല്‍ക്കൃഷിഅന്നും ഇന്നും' എന്ന വിഷയത്തില്‍ അഭിമുഖം നടന്നു. ഗോപിക, ദേവിക, നന്ദന, അഫ്‌നാസ്, അധ്യാപകരായ പി. രാജേന്ദ്രന്‍, ടി. മുജീബ്, ഞാലിന്‍ രാമകൃഷ്ണന്‍ എന്നിവര്‍ സംസാരിച്ചു.