മഴയുടെ ഭാവങ്ങളറിഞ്ഞ് മഴയുത്സവം
Posted By : knradmin On 14th August 2014
ശ്രീകണ്ഠപുരം: മഴയുടെ വ്യത്യസ്തഭാവങ്ങളറിഞ്ഞും ആസ്വദിച്ചും ഏരുവേശ്ശി കെ.കെ.എന്‍.എം. എ.യു.പി. സ്‌കൂളില്‍ മഴയുത്സവം നടന്നു. മഴ ആസ്വാദനക്കുറിപ്പ് തയ്യാറാക്കല്‍, മഴയെക്കുറിച്ച് കവിതാരചന, മഴചൊല്ല് ശേഖരണം തുടങ്ങിയ പരിപാടികള്‍ നടന്നു. ബാബുരാജ് മലപ്പട്ടം പരിപാടികള്‍ക്ക് നേതൃത്വം നല്‍കി. മഴയെക്കുറിച്ചുള്ള നാടന്‍പാട്ടുകളുടെ അവതരണവുമുണ്ടായി. പി.ടി.എ. പ്രസിഡന്റ് കെ.പി.കുമാരന്റെ അധ്യക്ഷതയില്‍ ഏരുവേശ്ശി ഗ്രാമപ്പഞ്ചായത്ത് ആരോഗ്യവിദ്യാഭ്യാസ സ്ഥിരംസമിതി അധ്യക്ഷ പി.കെ.സുമാദേവി ഉദ്ഘാടനം ചെയ്തു. സ്‌കൂള്‍ മാനേജര്‍ ഇ.കെ.ചന്ദ്രഹാസന്‍, മദര്‍ പി.ടി.എ. പ്രസിഡന്റ് സുനിത രാഘവന്‍, ഇ.ജനാര്‍ദ്ദനന്‍, കെ.ഒ.ജനാര്‍ദ്ദനന്‍, എം.വി.രമണി എന്നിവര്‍ സംസാരിച്ചു. പ്രഥമാധ്യാപിക കെ.പി.ബേബി സ്വാഗതവും സീഡ് കോ ഓര്‍ഡിനേറ്റര്‍ കെ.പി.രഞ്ജിനി നന്ദിയും പറഞ്ഞു.