പാലക്കാട്:ചാത്തമംഗലം ഗവ. യു.പി. സ്‌കൂളിൽ വീടിനൊരു കറിവേപ്പ് പദ്ധതി

നെന്മാറ: ചാത്തമംഗലം ഗവ. യു.പി. സ്‌കൂളിലെ സീഡ് ക്ലബ്ബ് വീടിനൊരു കറിവേപ്പ് പദ്ധതി തുടങ്ങി. വിദ്യാലയത്തിലെ മുഴുവൻ വിദ്യാർഥികളുടെയും വീടുകളിൽ കറിവേപ്പ് വെച്ചുപിടിപ്പിക്കുന്ന പരിപാടിയാണിത്. അധ്യാപകരും വിദ്യാർഥികളും ശേഖരിച്ച കറിവേപ്പ് തൈകൾ വിദ്യാർഥികൾക്ക് വിതരണംചെയ്തു. പി.ടി.എ. വൈസ് പ്രസിഡന്റ് ടി. നാകു ഉദ്ഘാടനംചെയ്തു. പ്രധാനാധ്യാപകൻ എം. അബ്ദുൾ സലാം അധ്യക്ഷനായി. സി. ലത, സി. രാജീവ്, കെ. ബിജു, ജോർളി തോമസ്, ജലാലുദ്ദീൻ, എം. ഉദയൻ എന്നിവർ സംസാരിച്ചു.