ശാന്തിതീരത്തെ അന്തേവാസികള്‍ക്ക് സഹായവുമായി സീഡ് അംഗങ്ങള്‍
Posted By : klmadmin On 11th August 2014
കൊട്ടാരക്കര: മൈലം ദേവിവിലാസം വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ സീഡ് യൂണിറ്റിന്റെ നേതൃത്വത്തില്‍ പത്തനാപുരം മാലൂരില്‍ പ്രവര്‍ത്തിക്കുന്ന ശാന്തിതീരം സന്ദര്‍ശിച്ചു. വിവിധ പ്രായത്തിലുള്ള നാല്പതോളം അന്തേവാസികളാണ് ഇവിടെയുള്ളത്.
സീഡ് അംഗങ്ങളുമായി അന്തേവാസികളും ശാന്തിതീരം ഭാരവാഹികളും അനുഭവങ്ങള്‍ പങ്കുവച്ചു.
വിദ്യാര്‍ഥികള്‍ ശേഖരിച്ച ധനസഹായവും വസ്ത്രങ്ങളും സീഡ് പ്രവര്‍ത്തകര്‍ ശാന്തിതീരത്തിന് കൈമാറി. പരിസ്ഥിതിസൗഹൃദ പ്രവര്‍ത്തനങ്ങള്‍ക്കൊപ്പം സാമൂഹിക പ്രവര്‍ത്തനങ്ങള്‍ക്കും പ്രാധാന്യം നല്‍കുന്ന മൈലം ദേവിവിലാസം വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ സീഡ് അംഗങ്ങളുടെ പ്രവര്‍ത്തനം ശ്ലാഘനീയമാണെന്ന് ശാന്തിതീരം ട്രസ്റ്റ് ഭാരവാഹി ബീജ ഗോപിക്കുട്ടന്‍ അഭിപ്രായപ്പെട്ടു. സീഡ് കോഓര്‍ഡിനേറ്റര്‍ ജി.എസ്.രവിചന്ദ്, അജിത് കുമാര്‍, വിദ്യാര്‍ഥികള്‍ തുടങ്ങിയവര്‍ നേതൃത്വം നല്‍കി.