കേരസംരക്ഷണത്തിന് സീഡ് അംഗങ്ങള്‍
Posted By : ktmadmin On 9th August 2014
കിടങ്ങൂര്‍: കേരസംരക്ഷണത്തിന്റെ ആവശ്യകത കുട്ടികളില്‍ എത്തിക്കുന്നതിന് കിടങ്ങൂര്‍ എന്‍.എസ്.എസ്. എച്ച്.എസ്.എസ്സിലെ സീഡ് പ്രവര്‍ത്തകര്‍ക്ക് തെങ്ങിന്‍ തൈകള്‍ വിതരണം ചെയ്തു. കൃഷി വകുപ്പിന്റെ സഹകരണത്തോടെ 35 സീഡ് അംഗങ്ങള്‍ക്കാണ് തെങ്ങിന്‍ തൈകള്‍ വിതരണം ചെയ്തത്. കിടങ്ങൂര്‍ കൃഷി ഓഫീസര്‍ ബിനി ഉദ്ഘാടനം ചെയ്തു.
കേരസംരക്ഷണത്തിന്റെ പ്രാധാന്യത്തെപ്പറ്റി കൃഷി ഓഫീസര്‍ ക്ലാസ്സെടുത്തു. പി.ടി.എ.പ്രസിഡന്റ് ബി.ശശിധരന്‍ നായര്‍ അധ്യക്ഷത വഹിച്ചു.
പ്രഥമാധ്യാപിക കെ.ബി.ശ്രീദേവി, സീഡ് കോഓര്‍ഡിനേറ്റര്‍ പ്രവീണ്‍കുമാര്‍, അധ്യാപകരായ കെ.സുരേഷ്, ബിനു എസ്.നായര്‍, പി.പ്രമോദ് എന്നിവര്‍ പ്രസംഗിച്ചു.