മാതൃഭൂമി സീഡ് ക്‌ളബ്ബ് യുദ്ധവിരുദ്ധറാലി നടത്തി
Posted By : Seed SPOC, Alappuzha On 7th August 2014
മാവേലിക്കര: ഗവ.ബോയ്‌സ് വൊക്കേഷണല്‍ ഹയര്‍ സെക്കന്‍ഡറി സ്‌കൂളില്‍ മാതൃഭൂമി സീഡ്ക്‌ളബ്ബും സാമൂഹിക ശാസ്ത്രക്‌ളബ്ബും ചേര്‍ന്ന് ഹിരോഷിമദിനം ആചരിച്ചു. ദിനാചരണത്തിന്റെ ഭാഗമായി നടന്ന യുദ്ധവിരുദ്ധറാലി സ്‌കൂള്‍ പി.ടി.എ. പ്രസിഡന്റ് സോമരാജന്‍ ഉദ്ഘാടനം ചെയ്തു. വൈസ് പ്രസിഡന്റ് ഹരിദാസ് പല്ലാരിമംഗലം യുദ്ധവിരുദ്ധ സന്ദേശം നല്കി. സ്‌കൂള്‍ ഹെഡ്മിസ്ട്രസ് കെ.എസ്. രമാദേവിയുടെ അധ്യക്ഷതയില്‍ ചേര്‍ന്ന യോഗത്തില്‍ പ്രിന്‍സിപ്പല്‍മാരായ ലിസാ ജോണ്‍, ഷെര്‍ലി മാത്യു, അധ്യാപകരായ സന്തോഷ്‌കുമാര്‍, സതീഷ്‌കുമാര്‍, ജിജീഷ് എന്നിവര്‍ പ്രസംഗിച്ചു. യുദ്ധവിരുദ്ധ റാലിയ്ക്ക് സീഡ് കോഓര്‍ഡിനേറ്റര്‍മാരായ പ്രകാശ് പി.എന്‍, സ്മിതാ ദാസ് ഡി.പി. എന്നിവര്‍ നേതൃത്വം നല്കി.
മാവേലിക്കര ഗവ.ബോയ്‌സ് വൊക്കേഷണല്‍ ഹയര്‍സെക്കന്‍ഡറി
സ്‌കൂളില്‍ നടന്ന യുദ്ധവിരുദ്ധ റാലി