പാലക്കാട്:പഠനോപകരണ വിതരണം

 

ചെര്‍പ്പുളശ്ശേരി: ഗവ. ഹൈസ്‌കൂളിലെ സഞ്ജീവനി ഹരിതസേനയുടെ നേതൃത്വത്തില്‍ യു.പി. ക്ലാസുകളിലെ  തിരഞ്ഞെടുത്ത കുട്ടികള്‍ക്കായി പഠനോപകരണ വിതരണം നടത്തി. 

കുവൈത്ത് ചേംബര്‍ ഓഫ് കൊമേഴ്‌സ് കമേഴ്‌സിയല്‍വിഭാഗം മേധാവി മാട്ടര മുഹമ്മദാലിയുടെ വകയാണ് ബാഗ്, കുട, നോട്ടുബുക്കുകള്‍ എന്നിവ നല്‍കിയത്.  പഞ്ചായത്ത് പ്രസിഡന്റ് സുരേഷ്, എ.ഇ.ഒ. ജയരാജന്‍, പ്രധാനാധ്യാപിക സതീദേവി, ഡെപ്യൂട്ടി എച്ച്.എം. മോഹന്‍ദാസ്, മാട്ടര മാനുട്ടി, സീഡ് കോഓര്‍ഡിനേറ്റര്‍ പി.ടി. കലാവതി എന്നിവര്‍ സംസാരിച്ചു.