കേരം കാക്കാന്‍ കുട്ടിക്കൂട്ടം
Posted By : ktmadmin On 4th August 2014
ഏന്തയാര്‍: വിദ്യാര്‍ഥികള്‍ക്ക് കല്പവൃക്ഷമായ തെങ്ങിനോടും, കൃഷിയോടുമുള്ള ആഭിമുഖ്യം വര്‍ദ്ധിപ്പിക്കുന്നതിന്റെ ഭാഗമായി ഏന്തയാര്‍ െജ.െജ.എം.എം.ഹയര്‍ സെക്കന്‍ഡറി സ്‌കൂള്‍ സീഡ് യൂണിറ്റ് 51 തെങ്ങിന്‍തൈകള്‍ വിതരണം ചെയ്തു. കുട്ടികള്‍ കൃഷിഭവനുമായി സഹകരിച്ചാണ് പദ്ധതി നടപ്പാക്കുന്നത്. പ്രിന്‍സിപ്പല്‍ മേഴ്‌സി മാത്യു, ഗ്രാമപ്പഞ്ചായത്തംഗവും മദേഴ്‌സ് പി.ടി.എ പ്രസിഡന്റുമായ ആന്‍സി അഗസ്റ്റിന്‍, പി.ടി.എ. പ്രസിഡന്റ് സജി വര്‍ഗീസ്, വൈസ് പ്രസിഡന്റ് കെ.ഇ. ബീബ് എന്നിവര്‍ സീഡംഗങ്ങള്‍ക്കും മറ്റു വിദ്യാര്‍ഥികള്‍ക്കും തെങ്ങിന്‍തൈകള്‍ വിതരണം ചെയ്തു. സീഡ് കോഓര്‍ഡിനേറ്റര്‍ സുരേഷ് കെ.വി. നേതൃത്വം നല്‍കി.