സീഡ് കോഓര്‍ഡിനേറ്ററെ അനുമോദിച്ചു

കൊട്ടാരക്കര: മാതൃഭൂമി സീഡ് പദ്ധതിയില്‍ വിദ്യാഭ്യാസ ജില്ലാതല പുരസ്‌കാരം നേടിയ വെളിയം ടി.വി.ടി.എം. ഹൈസ്‌കൂളിലെ കോഓര്‍ഡിനേറ്റര്‍ രാജേശ്വരി രാജേന്ദ്രനെ വിദ്യാരംഗം കലാസാഹിത്യവേദി അനുമോദിച്ചു. 

സാഹിത്യവേദി കൊട്ടാരക്കര വിദ്യാഭ്യാസജില്ലാ സമിതിയുടെ ഉപഹാരം ജില്ലാ വിദ്യാഭ്യാസ ഓഫീസറുടെ ചുമതലയുള്ള എന്‍.പി.ഗീതാകുമാരി രാജേശ്വരി രാജേന്ദ്രന് കൈമാറി. കൊട്ടാരക്കര ഡയറ്റില്‍ നടന്ന ചടങ്ങില്‍ സാഹിത്യവേദി ജില്ലാ കണ്‍വീനര്‍ പി.എസ്.ഗോപകുമാര്‍, ജോയിന്റ് കണ്‍വീനര്‍ കെ.ശ്രീകുമാര്‍, ആര്‍.ശിവന്‍ പിള്ള, ഹരികുമാര്‍ തുടങ്ങിയവര്‍ പ്രസംഗിച്ചു.