യുദ്ധവെറിക്കെതിരെ മനുഷ്യച്ചങ്ങല തീര്‍ത്തു
Posted By : ksdadmin On 1st August 2014
കൊടക്കാട്: യുദ്ധം ഒന്നിനും പരിഹാരമല്ലെന്നും മറിച്ച് സര്‍വനാശം വിതയ്ക്കുകയും നിരപരാധികളുടെ ജീവന്‍ അപഹരിക്കപ്പെടുകയാണെന്നുമുള്ള സന്ദേശം ഉയര്‍ത്തിക്കാട്ടി കൊടക്കാട് കേളപ്പജി മെമ്മോറിയല്‍ വൊക്കേഷണല്‍ ഹയര്‍ സെക്കന്ഡറി സ്‌കൂള്‍ സീഡ് ക്ലബ്ബ് എന്‍.എസ്.എസ്സിന്റെ സഹകരണത്തോടെ മനുഷ്യച്ചങ്ങല തീര്‍ത്തു. സ്‌കൂള്‍ അങ്കണത്തില്‍ തീര്‍ത്ത മനുഷ്യച്ചങ്ങലയില്‍ കുട്ടികള്‍ക്കൊപ്പം അധ്യാപകരും രക്ഷിതാക്കളും കണ്ണികളായി.
ഗ്രാമപ്പഞ്ചായത്തംഗം പി.കുഞ്ഞിക്കണ്ണന്‍ പരിപാടി ഉദ്ഘാടനം ചെയ്തു. പ്രിന്‍സിപ്പല് എം.വിശ്വനാഥന്‍ അധ്യക്ഷതവഹിച്ചു. പി.ടി.എ. പ്രസിഡന്റ് സി.വി.രാധാകൃഷ്ണന്‍, പ്രഥമാധ്യാപകന്‍ ഡോ. എം.വി.വിജയകുമാര്‍, ഒ.വി.ചിത്രേശന്‍ എന്നിവര്‍ സംസാരിച്ചു. പ്രദീപ്കുമാര്‍ യുദ്ധവിരുദ്ധപ്രതിജ്ഞ ചൊല്ലിക്കൊടുത്തു. സീഡ് കോഓര്‍ഡിനേറ്റര്‍ ഒ.എം.അജിത് സ്വാഗതവും എന്‍.എസ്.എസ്. കണ്‍വീനര്‍ റജി തോമസ് നന്ദിയും പറഞ്ഞു