താമരക്കുളം വി.വി.എച്ച്.എസ്.എസ്. സീഡ് ക്ലബ് ലോകജനസംഖ്യാദിനം ആചരിച്ചു
Posted By : Seed SPOC, Alappuzha On 29th July 2014
താമരക്കുളം വി.വി.എച്ച്.എസ്.എസ്. 'മാതൃഭൂമി' സീഡ് ക്ലബ്ബിന്റെ ലോകജനസംഖ്യാദിനാചരണം
പഞ്ചായത്ത് പ്രസിഡന്റ് ജെ. ഹരികുമാര്‍ ഉദ്ഘാടനം ചെയ്യുന്നു
ചാരുംമൂട്: ലോകജനസംഖ്യാദിനത്തോടനുബന്ധിച്ച് താമരക്കുളം വി.വി.എച്ച്.എസ്.എസ്സിലെ 'മാതൃഭൂമി' സീഡ് ക്ലബ് ജനസംഖ്യ അവബോധന ക്ലാസ്സ് നടത്തി.
താമരക്കുളം ഗ്രാമപ്പഞ്ചായത്ത് പ്രസിഡന്റ് ജെ. ഹരികുമാര്‍ ഉദ്ഘാടനം ചെയ്തു.
സ്‌കൂള്‍ സ്ഥിതിചെയ്യുന്ന നാലാം വാര്‍ഡിലെയും ഗ്രാമപ്പഞ്ചായത്തിലെയും സെന്‍സസ് റിപ്പോര്‍ട്ടിങ് പഞ്ചായത്ത് അസിസ്റ്റന്റ് സെക്രട്ടറി ഗോപാലകൃഷ്ണന്‍ അവതരിപ്പിച്ചു. അടിസ്ഥാന വിദ്യാഭ്യാസ യോഗ്യത നേടാന്‍ കഴിയാത്ത നാലാംവാര്‍ഡിലെ 10 വ്യക്തികള്‍ക്ക് വിദ്യാഭ്യാസം നല്‍കാനുള്ള സാഹചര്യം സീഡ് ക്ലബ്ബിന്റെ നേതൃത്വത്തില്‍ നടത്തുന്നതിന് തീരുമാനിച്ചു.പി.ടി.എ. പ്രസിഡന്റ് എസ്. മധുകുമാര്‍ അധ്യക്ഷത വഹിച്ചു. ഹെഡ്മിസ്ട്രസ്സ് സുനിത ഡി. പിള്ള, പ്രിന്‍സിപ്പല്‍ ജിജി എച്ച്. നായര്‍, ഡെപ്യൂട്ടി ഹെഡ്മാസ്റ്റര്‍ എ.എന്‍. ശിവപ്രസാദ്, സീഡ് കോ ഓര്‍ഡിനേറ്റര്‍ എല്‍. സുഗതന്‍, എന്‍. രാധാകൃഷ്ണപിള്ള, ബി.കെ. ബിജു, കെ. രഘുകുമാര്‍, എം. മാലിനി, ടി. ഉണ്ണിക്കൃഷ്ണന്‍, സഫീന ബീവി, സജി കെ. വര്‍ഗീസ് എന്നിവര്‍ പ്രസംഗിച്ചു.