പെരുന്നാള്‍ പുതുവസ്ത്രവുമായി സീഡ് കൂട്ടുകാര്‍
Posted By : knradmin On 29th July 2014
മട്ടന്നൂര്‍: ശാരീരിക വൈകല്യംമൂലം സ്‌കൂളിലെത്തി പഠിക്കാന്‍കഴിയാത്ത ഫാത്തിമത്ത് ജുബാനയ്ക്ക് പെരുന്നാള്‍ സമ്മാനവുമായി കയനി യു.പി.സ്‌കൂളിലെ സീഡ് കൂട്ടുകാര്‍ വീട്ടിലെത്തി. നഗരസഭാ കൗണ്‍സിലര്‍ കെ.സുബൈദ സീഡ് കൂട്ടുകാരുടെ പെരുന്നാള്‍വസ്ത്രവും മധുരപലഹാരങ്ങളും സമ്മാനിച്ചു.
പ്രഥമാധ്യാപിക എം.സി.ഉഷ, സീഡ് കോ ഓര്‍ഡിനേറ്റര്‍ ടി.ഉഷ, എം.സി.ശ്രീകല, പി.വി.പദ്മജ, സി.കെ.വാസന്തി, വിദ്യാര്‍ഥികളായ ദിവ്യശ്രീ, ആശ്രിത, സ്വാലിഹ, റിസ്വാന, അഭിരാം, അനുഗ്രഹ് എന്നിവര്‍ നേതൃത്വം നല്‍കി.