ബാലികാമഠത്തില്‍ 'സീഡ്' ശില്പശാല നടത്തി
Posted By : ptaadmin On 29th July 2014
തിരുവല്ല: തിരുമൂലപുരം ബാലികാമഠം സ്‌കൂളില്‍ മാതൃഭൂമി സീഡ് ക്ലബ്ബ് പ്രവര്‍ത്തനം തുടങ്ങി. ക്ലബ്ബിന്റെ ഉദ്ഘാടനത്തോടനുബന്ധിച്ച് കുടുംബ കൃഷി കൂട്ടായ്മ സംബന്ധിച്ച് ശില്പശാല നടത്തി. തിരുവല്ല കൃഷി ഓഫീസര്‍ ഷേര്‍ളി ജോര്‍ജ് ഉദ്ഘാടനം ചെയ്തു. സ്‌കൂള്‍ സീഡ് കോഓര്‍ഡിനേറ്റര്‍ സൂസന്‍ കെ.ജോസഫ്, മാതൃഭൂമി സോഷ്യല്‍ ഇനിഷ്യേറ്റീവ് എക്‌സിക്യൂട്ടീവ് യു.സി.അനുരാജ് എന്നിവര്‍ പ്രസംഗിച്ചു. സ്‌കൂളില്‍നിന്ന് വീടുകളിലേക്ക് കൃഷി വ്യാപിപ്പിക്കുന്നതിന്റെ ഭാഗമായി രക്ഷിതാക്കളും ശില്പശാലയില്‍ പങ്കെടുത്തു.