പാലക്കാട്: 'വിദ്യാലയത്തണൽ' പദ്ധതിക്ക് തുടക്കമായി

ലക്കിടി: പേരൂർ എ.എസ്.ബി. സ്‌കൂളിൽ മാതൃഭൂമി സീഡ് ക്ലബ്ബിന്റെ ആഭിമുഖ്യത്തിൽ 'വിദ്യാലയത്തണൽ' പദ്ധതിക്ക് തുടക്കമായി. വിദ്യാലയഗ്രൗണ്ടിനുള്ളിൽ തണൽവൃക്ഷനിര വളർത്തിയെടുക്കുകയാണ് പദ്ധതിയുടെ ലക്ഷ്യമെന്ന് സീഡ് പ്രവർത്തകരും കോഓർഡിനേറ്റർ ടി. മുജീബും പറഞ്ഞു.
 വിദ്യാലയത്തിലെ ഓരോ ഡിവിഷനും ഓരോ വൃക്ഷത്തൈ നൽകി പറമ്പിൽ നട്ടു. വൃക്ഷത്തൈകളടെ പരിപാലനം സീഡ് പ്രവർത്തകരേറ്റെടുത്തിട്ടുണ്ട്. വേപ്പ്, ഉങ്ങ്, കൊന്ന തുടങ്ങിയ തൈകളാണ് നട്ടത്.