ജൈവവളപ്രയോഗവുമായി സീഡംഗങ്ങളുടെ കൃഷി
Posted By : knradmin On 19th July 2014
കണ്ണൂര്‍: പള്ളിപ്രം യു.പി. സ്‌കൂളിലെ മാതൃഭൂമി സീഡ് ക്ലബ്ബ് പച്ചക്കറിച്ചെടികള്‍ക്ക് ജൈവവളപ്രയോഗം നടത്തി. ചേലോറ പഞ്ചായത്ത് പ്രസിഡന്റ് റോജ ഉദ്ഘാടനം ചെയ്തു. വിദ്യാര്‍ഥികള്‍ക്കായി ഉപന്യാസ രചനാമത്സരവും നടത്തി. സ്‌നേഹ സതീഷ്, എല്‍.സി.ഫാത്തിമ എന്നിവര്‍ ഒന്നും രണ്ടും സ്ഥാനം നേടി.
യോഗത്തില്‍ പി.ടി.എ. പ്രസിഡന്റ് ഷമീര്‍ പള്ളിപ്രം അധ്യക്ഷതവഹിച്ചു. വലിയന്നൂര്‍ സര്‍വീസ് സഹകരണബാങ്ക് പ്രസിഡന്റ് കുട്ടിക്കൃഷ്ണന്‍, കെ.ബാബു, വാര്‍ഡ് അംഗം ഉമൈബ എന്നിവര്‍ സംസാരിച്ചു. പ്രഥമാധ്യാപകന്‍ സി.രമേശന്‍ സ്വാഗതവും പി.പരീദ് നന്ദിയും പറഞ്ഞു.