ജൈവനെൽക്കൃഷിയുമായി നരിക്കോട് ജി.എൻ.യു.പി. സ്കൂൾ സീഡ്ക്ലബ്

 നരിക്കോട്: നരിക്കോട് ഗവ. ന്യൂ യു.പി. സ്കൂൾ സീഡ് ക്ലബ്ബിലെ കുട്ടികൾ നരിക്കോട് വയലിൽ ഞാറുനട്ടു. വയലിലെ 20 സെന്റ് സ്ഥലത്താണ് കുട്ടികൾ കൃഷിയിറക്കിയത്. നാട്ടിലെ മുതിർന്ന നാട്ടിപ്പാട്ട് കലാകാരിയും കർഷകത്തൊഴിലാളിയുമായ വട്ടിച്ചിയമ്മ കുട്ടികൾക്ക് നാട്ടിപ്പാട്ട് പാടിക്കൊടുത്ത് ഞാറുനടീൽ ഉത്സവം ഉദ്ഘാടനം ചെയ്തു. നാട്ടിപ്പാട്ടിന്റെ ഈണത്തിൽ കുട്ടികൾ ഞാറുനടുന്നതുകണ്ട് നാട്ടുകാരും കൂടെച്ചേർന്നു. ഏേഴാം കൃഷിഭവനിലെ അസി. കൃഷി ഓഫീസർ കെ.രാമകൃഷ്ണൻ, പി.ടി.എ. പ്രസിഡന്റ് സുകുമാരൻ, എം.പി.ലത, എൻ.സി.ഗീത, സീഡ് കോ-ഓർഡിനേറ്റർ ഇ.വി.സന്തോഷ്കുമാർ, വിനോദ്, പ്രഭാകരൻ എന്നിവർ സംസാരിച്ചു.