പാലക്കാട്:കാരുണ്യപ്രവർത്തനങ്ങളുമായി കുലിക്കിലിയാട് സ്‌കൂൾ വിദ്യാർഥികൾ

ശ്രീകൃഷ്ണപുരം: കുലിക്കിലിയാട് എസ്.വി.എ.യു.പി.സ്‌കൂളിലെ മാതൃഭൂമി സീഡ് ക്‌ളബ് അംഗങ്ങളുടെ കാരുണ്യ സഹായനിധി പാവപ്പെട്ടവർക്ക് കൈത്താങ്ങാകുന്നു.
പത്ത് കുടുംബങ്ങൾക്ക് ചികിത്സാസഹായമായി 10,000 രൂപ ക്ലബ്ബ് നൽകി.
സഹായനിധിവിതരണം ബ്ലോക്ക് പഞ്ചായത്ത് പ്രസിഡന്റ് കെ.സി. രാമൻകുട്ടി ഉദ്ഘാടനംചെയ്തു. പി.ടി.എ. പ്രസിഡന്റ് കെ.വി. ഭാസ്‌കരൻ അധ്യക്ഷനായി.
ഉമ്മർ കുന്നത്ത്, എം. മോഹനൻ, സീഡ് കോഓർഡിനേറ്റർ കെ. അബു, എം. അബ്ദുൾഅസീസ്, മുഹമ്മദ് സഫ്വാൻ എന്നിവർ പ്രസംഗിച്ചു.
 ലോകകപ്പ് ഫുട്‌ബോളിനോടനുബന്ധിച്ച് കുട്ടികൾക്കും രക്ഷിതാക്കൾക്കുമായി നടത്തിയ പ്രവചനമത്സര വിജയികൾക്ക് ചടങ്ങിൽ സമ്മാനംനൽകി.