മാതൃഭൂമി സീഡ് വായനവാരാചരണം സമാപിച്ചു
Posted By : ptaadmin On 28th June 2014
പറക്കോട്: മനുഷ്യരെ നന്മയിലേക്ക് നയിക്കാന്‍ പുസ്തകങ്ങള്‍ക്ക് കരുത്തുണ്ടെന്ന സന്ദേശം നല്‍കി പറക്കോട് എന്‍.എസ്. യു.പി.സ്‌കൂളില്‍ മാതൃഭൂമി സീഡ് ക്ലബ്ബിന്റെ നേതൃത്വത്തില്‍ നടന്ന വായനവാരാചരണം സമാപിച്ചു.
സമാപനത്തിന്റെ ഭാഗമായി മാതൃഭൂമി സീഡ് ക്ലബ്ബിന്റെ വകയായി അടൂര്‍ നിഖില്‍ ജ്യുവലേഴ്‌സ് ഉടമ സുഭാഷ് സംഭാവന ചെയ്ത പുസ്തകങ്ങള്‍ സ്‌കൂള്‍ മാനേജര്‍ തേരകത്ത് മണി ഏറ്റുവാങ്ങി.
പുസ്തകങ്ങളിലൂടെ ലഭിക്കുന്ന അറിവുകള്‍ നന്മയിലേക്ക് കുട്ടികളെ നയിക്കാന്‍ ഉപകരിക്കുമെന്ന് യോഗം ഉദ്ഘാടനം ചെയ്ത നഗരസഭാ കൗണ്‍സിലര്‍ അനൂപ് ചന്ദ്രശേഖര്‍ പറഞ്ഞു. സ്‌കൂള്‍ മാനേജര്‍ തേരകത്ത് മണി അധ്യക്ഷത വഹിച്ചു. ബി.ആര്‍.സി. ട്രെയിനര്‍ ശ്രീകുമാര്‍ വായനദിന ബോധവത്കരണ ക്ലാസ്സെടുത്തു.
മാതൃഭൂമി അടൂര്‍ ലേഖകന്‍ എസ്.പ്രശാന്ത്, പി.ടി.എ. പ്രസിഡന്റ് ജി.ഉണ്ണികൃഷ്ണന്‍, നിഖില്‍ ജ്യുവലേഴ്‌സ് ഉടമ സുഭാഷ് എന്നിവര്‍ പ്രസംഗിച്ചു. എല്‍.ഉഷാദേവി, എന്‍.ആര്‍.ഉഷാകുമാരി, സീഡ് കോഓര്‍ഡിനേറ്റര്‍ നിഷ എസ്.കൃഷ്ണന്‍, സി.രമാദേവി, എസ്.അനില്‍കുമാര്‍, എന്‍.വിജയകുമാരന്‍ നായര്‍ എന്നിവര്‍ പ്രസംഗിച്ചു. ഹെഡ്മിസ്ട്രസ് എ.എസ്.മിനി സ്വാഗതവും ജി.ലേഖ നന്ദിയും പറഞ്ഞു. പരിപാടിയുടെ ഭാഗമായി കുട്ടികളുടെ വിവിധ കലാപരിപാടികളും ഉണ്ടായിരുന്നു.