പാമ്പുകളെ സ്‌നേഹിക്കണമെന്ന സന്ദേശവുമായി വാവാസുരേഷ്
Posted By : Seed SPOC, Alappuzha On 27th June 2014
കായംകുളം: പാമ്പുകള്‍ ശത്രുവല്ലെന്ന് വിദ്യാര്‍ഥികളെ ബോധ്യപ്പെടുത്തി വാവാ സുരേഷ്. കായംകുളം ഗവണ്‍മെന്റ് യു.പി.സ്‌കൂളില്‍ മാതൃഭൂമി സീഡ് മഴമരം പരിസ്ഥിതി ക്ലബ്ബാണ് 'പാമ്പുകളെ അറിയാന്‍' പരിപാടി സംഘടിപ്പിച്ചത്. പാമ്പുകളുമായെത്തിയ വാവാസുരേഷ് വിവിധതരം പാമ്പുകളെ കുട്ടികള്‍ക്ക് പരിചയപ്പെടുത്തി. പാമ്പുകളോട് കുട്ടികള്‍ക്കുള്ള ഭയം മാറ്റി അവയെ അടുത്തറിയാനും അവസരമൊരുക്കി.
ആവാസ വ്യവസ്ഥയിലെ പ്രധാന കണ്ണിയായ പാമ്പുകള്‍ ഭൂമിയിെല പാവപ്പെട്ട ജീവിയാണെന്ന് വാവാസുരേഷ് വ്യക്തമാക്കി.
ബോധവത്കരണ പരിപാടിയില്‍ പി.ടി.എ. പ്രസിഡന്റ് പി.അരവിന്ദാക്ഷന്‍ അധ്യക്ഷത വഹിച്ചു. ഹെഡ്മാസ്റ്റര്‍ കെ.രാധാകൃഷ്ണപിള്ള, സീഡ് ക്ലബ്ബ് കണ്‍വീനര്‍ ബിജു മുതുകുളം, എല്‍.സരസമ്മ, ഷാജഹാന്‍, പി.എന്‍.ഹാഷിര്‍ എന്നിവര്‍ പ്രസംഗിച്ചു.