പ്രകൃതിക്കായി പ്രതിജ്ഞപുതുക്കി സീഡ് ആറാം വര്ഷത്തിലേക്ക്

 കാസര്കോട്: ആസന്നമരണയായ ഭൂമിക്ക് ആത്മശാന്തി നേര്ന്ന് വെറുതേയിരിക്കാനാകില്ലെന്ന പ്രതിജ്ഞയോടും വിഷമില്ലാത്ത നാളെയെ സ്വപ്നം കണ്ട് സ്കൂള്വളപ്പില് കറിവേപ്പുതൈകള് നട്ടുപിടിപ്പിച്ചും ‘സീഡ്’ ആറാം വര്ഷത്തേക്ക്. ഫെഡറല് ബാങ്കുമായി ചേര്ന്ന് മാതൃഭൂമി നടപ്പാക്കുന്ന സീഡിന്റെ ജില്ലാതല ഉദ്ഘാടനം ലോകപരിസ്ഥിതി ദിനാചരണത്തിന്റെ ഭാഗമായി കാസര്കോട് ഗവ. ഹയര് സെക്കൻഡറി സ്കൂളില് നടന്നു. സ്കൂളിലെ സീഡിന്റെ പ്രവര്ത്തനങ്ങള്ക്ക് എന്നും മുന്നില്നില്ക്കുന്ന ഒമ്പതാംതരം വിദ്യാര്ഥി എം.ശ്രീനാഥ് കറിവേപ്പുതൈ നട്ട് ഈ വര്ഷത്തെ പ്രവര്ത്തനങ്ങള്ക്ക് തുടക്കം കുറിച്ചു. ജില്ലയിലെ ആയിരക്കണക്കിന് സീഡ് അംഗങ്ങളെ പ്രതിനിധീകരിച്ചാണ് ശ്രീനാഥ് ഉദ്ഘാടനം നിര്വഹിച്ചത്.