അവർ വാഴനട്ടു, പ്രതിജ്ഞയെടുത്തു

കാഞ്ഞങ്ങാട്: മാതൃഭൂമി സീഡിന്റെ കാഞ്ഞങ്ങാട് വിദ്യാഭ്യാസജില്ലാതല ഉദ്ഘാടനം കാഞ്ഞങ്ങാട് ദുർഗ ഹയർ സെക്കൻഡറി സ്കൂളിൽ നടന്നു. പ്രഥമാധ്യാപകൻ ബി.ശ്രീഹരി ഭട്ടിന്റെയും സീഡ് കോ ഓർഡിനേറ്റർ വിനോദ് പുറവങ്കരയുടെയും സാന്നിധ്യത്തിൽ സീഡ് ക്യാപ്റ്റൻ കാർത്തിക വിനോദ് സ്കൂൾ കോമ്പൗണ്ടിൽ വാഴനട്ടു. സീഡ് പ്രവർത്തകർ ഇരുനൂറിലേറെ തൈകൾ സ്കൂളിന്റെ വിവിധ ഭാഗങ്ങളിൽ നട്ടു. രാവിലെ മുൻ പ്രഥമാധ്യാപകൻ പി.കുഞ്ഞിരാമൻ നായർ കുട്ടികൾക്ക് പരിസ്ഥിതി ബോധവത്കരണക്ലാസെടുത്തു. ജയൻ വെള്ളിക്കോത്ത്, ബിന്ദു, ഹരികൃഷ്ണൻ, വിജയകൃഷ്ണൻ, ബാലകൃഷ്ണൻ, പ്രദീപ്കുമാർ എന്നിവർ നേതൃത്വം നൽകി.