പൊതാവൂരിൽ അശോകമരം നട്ട് തുടക്കം
Posted By : ksdadmin On 14th June 2014
ചെറുവത്തൂർ: പൊതാവൂർ എ.യു.പി.സ്കൂളിൽ പരിസ്ഥിതിദിനത്തിൽ മാതൃഭൂമി സിഡ് യൂണിറ്റ് പ്രവർത്തനം തുടങ്ങി. പൊതാവൂർ പൂമാല ഭഗവതിക്ഷേത്ര പരിസരത്ത് അശോകമരത്തൈ നട്ടായിരുന്നു തുടക്കം. ക്ഷേത്രസ്ഥാനികരായ രാമൻ കൊടക്കാരൻ, ചന്ദ്രൻ വെളിച്ചപ്പാടൻ എന്നിവർ ചേർന്ന് ആദ്യ തൈ നട്ടു.
തുടർന്ന് കുട്ടികൾ ക്ഷേത്ര അധീനതയിലുള്ള സ്ഥലത്ത് 220 തൈകൾ നട്ടു. വാസുദേവ കോണൂരായർ, കെ.എം.അനിൽകുമാർ, ബാലചന്ദ്രൻ, മാമ്പള്ളി കുഞ്ഞമ്പു, വി.വി.മനോജ്കുമാർ, ഷീബ പ്രദീപ്, കെ.രാഘവൻ എന്നിവർ സംസാരിച്ചു.