പരിസ്ഥിതിച്ചലച്ചിത്രമൊരുക്കാന്‍ സീഡംഗങ്ങള്‍

 തലശ്ശേരി:സേക്രഡ് ഹാര്‍ട്ട് ജി.എച്ച്.എസ്. സീഡ്ക്ലബ് ഹ്രസ്വചിത്രമൊരുക്കുന്നു. പരിസ്ഥിതിപ്രാധാന്യം തിരിച്ചറിഞ്ഞ തീര്‍ഥയെന്ന വിദ്യാര്‍ഥിയുടെയും അവള്‍ക്ക് പിന്തുണനല്കുന്ന സഹപാഠികളുടെയും അധ്യാപകരുടെയും സീഡ് ക്ലബ് അംഗങ്ങളുടെയും കഥപറയുന്ന 'ഒന്നാനാംകുന്നിന്മേല്‍ ഒരടിമണ്ണിന്മേല്‍' എന്ന ഹ്രസ്വചിത്രമാണ് കുട്ടികള്‍ ഒരുക്കുന്നത്. ആതിര അരുണ്‍കുമാറാണ് സംവിധായക. ആതിരയും മാളവികയും ചേര്‍ന്നാണ് തിരക്കഥ ഒരുക്കുന്നത്. ജിത്തു കോളയാടാണ് ക്യാമറ.