മാലിന്യമുക്ത കുട്ടനാടിനായി സീഡ് ക്ലബ്ബ്
Posted By : Seed SPOC, Alappuzha On 9th January 2014
ആലപ്പുഴ: "മാലിന്യമുക്ത കുട്ടനാടിനായി അണിചേരുക' എന്ന് ആഹ്വാനം ചെയ്ത് കുപ്പപ്പുറം ഗവ. എച്ച്.എസ്സിലെ സീഡ് ക്ലബ്ബംഗങ്ങള്‍ റാലിയും സെമിനാറും സംഘടിപ്പിച്ചു. പ്രദേശവാസികളായ കച്ചവടക്കാരെയും ഹൗസ്‌ബോട്ട് ഉടമകളെയും സഹകരിപ്പിച്ച് വര്‍ഷം മുഴുവന്‍ നീണ്ടുനില്‍ക്കുന്ന ബോധവത്കരണ പരിപാടികള്‍ ആസൂത്രണം ചെയ്തു. കൈനകരി പഞ്ചായത്ത് മുന്‍പ്രസിഡന്റ് ആര്‍. വിശാഖന്‍ റാലി ഉദ്ഘാടനം ചെയ്തു. പ്രഥമാധ്യാപകന്‍ ബാലകൃഷ്ണരാജ്, ജാന്‍സി ബിയാട്രീസ്, രതീഷ്കുമാര്‍, വി.എം. റോബര്‍ട്ട്, സീഡ് കോ ഓര്‍ഡിനേറ്റര്‍ കെ.ജെ. സ്റ്റാലിന്‍ എന്നിവര്‍ സംസാരിച്ചു.