സീഡ് ക്ലബ്ബ് പഠനകളരി സമാപിച്ചു
Posted By : ptaadmin On 4th January 2014
പന്തളം: പന്തളം എന്‍.എസ്.എസ്. ഇംഗ്ലീഷ് മീഡിയം യു.പി.സ്‌കൂളിലെ സീഡ് ക്ലബ്ബിന്റെ ക്രിസ്മസ് അവധിക്കാല പഠനകളരി സമാപിച്ചു. ഏഴു ദിവസങ്ങളിലായി നടന്ന കളരിയില്‍ വിവിധ വിഷയങ്ങളില്‍ കുട്ടികള്‍ പരിശീലനം നേടി.
സമാപനസമ്മേളനം എന്‍.എസ്.എസ്. ഡയറക്ടര്‍ബോര്‍ഡംഗം പന്തളം ശിവന്‍കുട്ടി ഉദ്ഘാടനം ചെയ്തു. പ്രതിനിധിസഭാംഗം എ.കെ.വിജയന്‍ അധ്യക്ഷത വഹിച്ചു.
അധ്യാപകരായ പി.ആര്‍.വസന്തകുമാരി, എല്‍.സുലോചനകുമാരി, സീഡ് റിപ്പോര്‍ട്ടര്‍ എസ്.പ്രണവ് എന്നിവര്‍ പ്രസംഗിച്ചു.
സീഡ് കോ-ഓര്‍ഡിനേറ്റര്‍ വി.രാജേഷ്‌കുമാര്‍ സ്വാഗതവും അധ്യാപകന്‍ വി.ശ്രീജിത്ത് നന്ദിയും പറഞ്ഞു.