സീഡ് പ്രവര്‍ത്തകര്‍ ഊര്‍ജ സംരക്ഷണ സന്ദേശ സൈക്കിള്‍ റാലി നടത്തി
Posted By : ptaadmin On 27th December 2013
പന്തളം: ഊര്‍ജ സംരക്ഷണത്തിന്റെ ഭാഗമായി പന്തളം എന്‍.എസ്.എസ്. ഇംഗ്ലീഷ്മീഡിയം യു.പി.സ്‌കൂളിലെ സീഡ് പ്രവര്‍ത്തകര്‍ ഊര്‍ജ സംരക്ഷണ സന്ദേശറാലി നടത്തി. പന്തളം കെ.എസ്.ഇ.ബി. സെക്ഷന്‍ ഓഫീസില്‍ നിന്നാരംഭിച്ച സൈക്കിള്‍ റാലി അസിസ്റ്റന്റ് എക്‌സിക്യൂട്ടീവ് എന്‍ജിനിയര്‍ ശ്രീദേവി ഫ്‌ളാഗ്ഓഫ് ചെയ്തു. മണികണ്ഠനാല്‍ത്തറ, മങ്ങാരം ഗവണ്‍മെന്റ് യു.പി.സ്‌കൂള്‍ മുട്ടാര്‍ കവലവഴി റാലി സ്‌കൂളിലെത്തി. മങ്ങാരം യു.പി.സ്‌കൂളില്‍ പ്രഥമാധ്യാപിക വത്സലാകുമാരി കുട്ടികളെ സ്വീകരിച്ചു. സീഡ് സ്റ്റുഡന്റ് കോ-ഓര്‍ഡിനേറ്റര്‍ വി. അക്ഷയ് ഊര്‍ജ സംരക്ഷണദിന സന്ദേശം നല്‍കി. അധ്യാപക കോ-ഓര്‍ഡിനേറ്റര്‍ വി. രാജേഷ്‌കുമാര്‍, അധ്യാപകരായ വി. ശ്രീജിത്ത്, സൗമ്യ വി.പിള്ള, ശ്രീജ ആര്‍.പിള്ള എന്നിവര്‍ റാലിക്ക് നേതൃത്വം നലകി.