വെള്ളിമണ്‍ കോളനിയില്‍ മാതൃഭൂമി സീഡ് ഔഷധഗ്രാമം പദ്ധതി തുടങ്ങി

 വെള്ളിമണ്‍: വെള്ളിമണ്‍ വൊക്കേഷണല്‍ ഹയര്‍ സെക്കന്‍ഡറി സ്‌കൂളിലെ സീഡ് ക്ലബിന്റെ 'ഔഷധഗ്രാമം' പദ്ധതി തുടങ്ങി. ഇതിന്റെ ഭാഗമായി വെള്ളിമണ്‍ കോളനിയിലെ വീടുകളില്‍ സീഡ് വിദ്യാര്‍ഥികള്‍ ഔഷധ വൃക്ഷത്തൈകള്‍ നട്ടു. സ്‌കൂള്‍ പ്രിന്‍സിപ്പല്‍ കെ.റജിമോന്‍ ഉദ്ഘാടനം ചെയ്തു. സീഡ് കോ-ഓര്‍ഡിനേറ്റര്‍ സക്കറിയ മാത്യു, ജോസ് ജോര്‍ജ്, ടി.ഡി.അജീഷ്, മറിയാമ്മ, സി.മാത്യു എന്നിവര്‍ നേതൃത്വം നല്‍കി. നാശോന്മുഖമായ ഔഷധസസ്യങ്ങള്‍ സംരക്ഷിക്കുകയാണ് ഔഷധഗ്രാമം എന്ന പദ്ധതിയുടെ ലക്ഷ്യം.