സ്‌കൂളുകളില്‍ ഋതുനിരീക്ഷണ പരിശീലനം
Posted By : knradmin On 23rd November 2013
കണ്ണൂര്‍:വൃക്ഷനിരീക്ഷണത്തിലൂടെ പ്രകൃതിയെ അറിയുന്ന 'സീസണ്‍ വാച്ച്' ഋതുനിരീക്ഷണ പരിപാടിയുടെ ഭാഗമായി കണ്ണൂര്‍ വിദ്യാഭ്യാസ ജില്ലയിലെ വിവിധ സ്‌കൂളുകളില്‍ പരിശീലന ക്ലാസുകള്‍ നടന്നു.
മാതൃഭൂമി സീഡ് ദൗത്യത്തിന്റെ ഭാഗമായുള്ള 'സീസണ്‍ വാച്ച്' ദേശീയതലത്തില്‍ നടക്കുന്നു. ഋതുനിരീക്ഷണ പരിപാടിയില്‍ വിപ്രോ, എന്‍.സി.ബി.എസ്. എന്നിവയാണ് പങ്കാളികള്‍. വിവിധ സ്‌കൂളുകളില്‍ നടന്ന പരിശീലന പരിപാടിക്ക് സീസണ്‍ വാച്ച് കോ ഓര്‍ഡിനേറ്റര്‍ മുഹമ്മദ് നിസാര്‍, വി.വൈശാഖ് എന്നിവര്‍ നേതൃത്വംനല്‍കി.
ഏറ്റുകുടുക്ക എ.യു.പി. സ്‌കൂളില്‍ കോ ഓര്‍ഡിനേറ്റര്‍ കെ.രവീന്ദ്രന്‍, മാത്തില്‍ ജി.എച്ച്.എസ്സില്‍ കോ ഓര്‍ഡിനേറ്റര്‍മാരായ ടി.മഹേഷ്, പി.വി.പ്രഭാകരന്‍ കോറോം ജി.എച്ച്.എസ്സില്‍ കോ ഓര്‍ഡിനേറ്റര്‍ എ.കെ.രമേശ്, കൊട്ടില ജി.എച്ച്.എസ്സില്‍ കോ ഓര്‍ഡിനേറ്റര്‍ ഇ.നാരായണന്‍ വെങ്ങര, പ്രിയദര്‍ശിനി യു.പി. സ്‌കൂളില്‍ കോ ഓര്‍ഡിനേറ്റര്‍ ഡോ. പി.കെ.ഭാഗ്യലക്ഷ്മി എന്നിവര്‍ നേതൃത്വംനല്‍കി.